Diploma Lefel 2 mewn Paratoi ar gyfer Gwasanaethau Cyhoeddus
- Campws Y Graig
Gall gyrfa mewn gwasanaethau cyhoeddus fod yn eang ac yn amrywiol ond nod yr holl wasanaethau yw gweithio gyda’r gymuned a gall gynnwys rolau megis plismona, cyfiawnder a thrin galwadau brys.
Cynlluniwyd y cwrs hwn i’ch ysbrydoli ac i ennyn brwdfrydedd ynoch i ystyried gyrfa yn y sector gwasanaethau cyhoeddus.
Trwy gydol y flwyddyn cewch gyfle i ennill gwybodaeth a dealltwriaeth ehangach am y diwydiant gwasanaethau cyhoeddus, a fydd yn ategu ac yn gwella eich sgiliau fel gweithiwr gwasanaethau cyhoeddus uchelgeisiol. Ei nod yw eich paratoi ar gyfer cyfleoedd astudio pellach ac mae’n darparu cam ar y ffordd i gwrs gwasanaethau cyhoeddus lefel tri, antur awyr agored lefel tri neu chwaraeon lefel tri.
Nod y cwrs yw cysylltu addysg â byd gwaith mewn ffyrdd sy’n ennyn diddordeb, sy’n berthnasol ac yn ymarferol, ochr yn ochr â datblygu sgiliau hanfodol megis llythrennedd, rhifedd a llythrennedd digidol. Mae yna lawer o gyfleoedd i gwrdd â phersonél Gwasanaethau Cyhoeddus o amrywiaeth o gefndiroedd gan gynnwys yr Heddlu, y Fyddin, y Môr-filwyr Brenhinol, y Llu Awyr Brenhinol (RAF) a’r Gwasanaeth Tân ac Achub. Cewch gyfle hefyd i fynychu cystadleuaeth gwasanaethau cyhoeddus flynyddol lle rydych yn cystadlu gyda dysgwyr gwasanaethau cyhoeddus eraill o bob rhan o’r DU.
Fe’ch anogir i ymgysylltu â’n hacademïau chwaraeon sy’n anelu at ddatblygu athletwyr a chwaraewyr mewn ystod o chwaraeon.
Manylion y cwrs
- Llawn amser
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Mae meysydd astudio yn cynnwys iechyd a ffitrwydd, gweithgareddau anturus, gwirfoddoli a chyflogadwyedd. Hefyd byddwch yn datblygu sgiliau rhyngbersonol trosglwyddadwy fel gweithio gydag eraill, datrys problemau, astudio annibynnol a sgiliau dysgu/meddwl. Bydd myfyrwyr hefyd yn datblygu sgiliau mewn trefnu, cynllunio dilyniant personol ac ymchwil ar lefel briodol.
Cewch eich gwahodd i gymryd rhan mewn prosiectau gyda grwpiau cymunedol lleol a phartneriaid y coleg er mwyn cael cipolwg ar gyfleoedd cyflogaeth o fewn y sector. Bydd y cyfle i redeg ac arwain digwyddiadau yn datblygu hyder a sgiliau cyfathrebu.
- Sgiliau Gwasanaethau Cyhoeddus a Chefnogaeth i’r Gymuned
- Mynychu Digwyddiadau Brys yn y Gwasanaethau Cyhoeddus
- Gweithgareddau a Gwaith Tîm ar gyfer y Gwasanaethau Cyhoeddus
- Iechyd a Ffitrwydd ar gyfer mynediad i’r Gwasanaethau Cyhoeddus mewn Lifrai
- Trosedd a’i Effeithiau ar Gymdeithas
- Gweithio yn y Gwasanaethau Cyhoeddus mewn Lifrai
- Ymwybyddiaeth Gymunedol a Diwylliannol
- Sgiliau Alldaith a Thirlywio
Hefyd mae’r cwrs yn cynnwys sesiynau datblygu sgiliau a rhaglen diwtorial.
Nod y cwrs hwn yw datblygu gwybodaeth greiddiol, sgiliau a dealltwriaeth er mwyn bod yn barod i symud ymlaen i lwybrau helaeth yn y coleg. Gall cyfleoedd dilyniant gynnwys astudio ar lefel bellach neu lwybrau prentisiaethau.
Yn dilyn cymhwyster lefel tri, os yw’r myfyriwr am symud ymlaen yn ei astudiaeth ar ôl y cwrs hwn, gall dysgwyr symud ymlaen i addysg uwch mewn ystod o ddisgyblaethau, er enghraifft:
- BA (Anrh) mewn Troseddeg
- BSc (Anrh) mewn Tân ac Achub
- BA (Anrh) mewn Gwaith Cymdeithasol
- BA (Anrh) mewn Cymdeithaseg
- BA (Anrh) mewn Gwasanaethau Cyhoeddus
- BA (Anrh) mewn Plismona
- LLB (Anrh) yn y Gyfraith.
Mae’r cymhwyster hwn wedi’i gynllunio’n bennaf i gefnogi dilyniant i gyflogaeth yn dilyn astudiaeth bellach mewn prifysgol. Fodd bynnag, mae hefyd yn cefnogi dysgwyr sy’n symud ymlaen yn uniongyrchol i gyflogaeth. Bydd yn rhoi’r wybodaeth a’r ddealltwriaeth i ddysgwyr sydd eu hangen i ymgeisio am ystod o rolau lefel mynediad yn y sector Gwasanaethau Amddiffyn mewn Lifrai, neu am gyflogaeth fel prentis yn y sector, lle bydd dysgwyr yn cwblhau hyfforddiant a chymwysterau ychwanegol i ennill y sgiliau a’r wybodaeth sy’n ofynnol i symud ymlaen yn eu proffesiwn dewisol.
Mae llwybrau dilyniant yn dibynnu ar gyflawniadau ar L2. Disgwylir i ddysgwyr gwblhau gyda phroffil teilyngdod llawn neu uwch a dangos cynnydd mewn llythrennedd, rhifedd a llythrennedd digidol. Mae symud ymlaen yn amodol ar gyfweliad.
Mae tri phrif fath o asesiad ar y cwrs. Asesir y mwyafrif o unedau yn fewnol, fodd bynnag bydd dwy uned yn cael eu hasesu’n allanol ar ffurf arholiadau ysgrifenedig (un ym mhob blwyddyn o’r cwrs). Bydd asesiad synoptig hefyd ym mlwyddyn 2 a fydd yn rhoi cyfle i ddysgwyr ddewis a chymhwyso dysgu o bob rhan o’u rhaglenni yn annibynnol i gwblhau tasg alwedigaethol sy’n cynnwys senarios a gweithgareddau realistig. Disgwylir i bob dysgwr sy’n siarad Cymraeg fel iaith gyntaf ac sydd wedi derbyn Addysg cyfrwng Cymraeg cyn mynychu’r Coleg gwblhau 50% o’r cwrs trwy gyfrwng y Gymraeg.
Pedwar TGAU graddau A* - D gyda dwy radd C, gydag un naill ai yn Saesneg/Cymraeg (iaith gyntaf) neu fathemateg. Neu wedi cwblhau cymhwyster galwedigaethol lefel un yn llwyddiannus mewn pwnc perthnasol gyda theilyngdod neu uwch.
Derbynnir y rheiny sy’n symud ymlaen o gyrsiau lefel un chwaraeon yn ogystal.
Asesir yr holl fyfyrwyr ar sail unigol a chynigir cyfle iddynt i ddod am gyfweliad.
Mae Saesneg a mathemateg yn rhan annatod o’r cwrs. Bydd myfyrwyr nad ydynt wedi cael y graddau angenrheidiol ar C neu uwch hyd yn hyn yn cael addysgu a chymorth ychwanegol i astudio ar gyfer naill ai TGAU, cymwysterau Agored neu Sgiliau Hanfodol yn dibynnu ar raddau TGAU blaenorol.
Mae’n ofynnol i bob dysgwr dalu ffi gweinyddu o £25 cyn cofrestru.
Bydd angen talu am deithiau a gweithgareddau Awyr Agored. Rhoddir llythyrau i rieni yn dweud wrthynt am y costau hyn.
Oherwydd y gofynion ffitrwydd ar y cwrs, bydd angen cit chwaraeon ar ddysgwyr a hefyd dillad ac esgidiau sy’n addas i’w gwisgo ar alldeithiau.