Bauhaus ar daith: Myfyrwyr ysgol gelf yn dod â 'Pharti Metel' eiconig i garnifal Llanelli

Mae myfyrwyr a staff o Ysgol Gelf Caerfyrddin yn dod â’r byd celf a dylunio i garnifal Llanelli eleni gyda’u fflôt ‘parti metel’ sydd wedi’i ysbrydoli gan Bauhaus. 

Cysyniad radical a sefydlwyd yn yr Almaen ym 1919 yw Bauhaus, sef mudiad celf a siapiodd gelf fodern ac addysg gelfyddydol.

Katie Fitzgerald-Williams yn Ysgol Gelf Caerfyrddin sy’n arwain y prosiect, meddai hi:  “Roedden ni eisiau gwneud rhywbeth ychydig yn wahanol a oedd yn dathlu popeth sy’n ymwneud â chelf a dylunio.

“Gwnaethon ni’r prosiect hwn yn friff byw mewn gwirionedd, felly rhoddodd rywbeth i fyfyrwyr weithio tuag ato yn ogystal â bod yn rhan o ddigwyddiad cymunedol, tymhorol sydd wedi hen sefydlu.

“Rhoddwyd y dasg i fyfyrwyr i ddylunio a gwneud y gwisgoedd a’r propiau i lenwi fflôt carnifal, sy’n golygu bod yn rhaid i bopeth sy’n cael ei wneud fod yn gludadwy, ar raddfa fawr ac yn wydn.“

Hoffem ddiolch i’r cwmnïau trafnidiaeth sydd wedi benthyg lorïau a gyrwyr ar gyfer y noson yn ogystal â thîm arlwyo’r coleg sydd wedi rhoi llawer iawn o ffoil a deunydd tun i ni.”