Sut i wneud cais am gwrs

Mae’n dechrau gydag ychydig o ymchwil - Dewch i noson agored, porwch drwy ein gwefan ac unwaith eich bod wedi dod o hyd i gwrs, cliciwch gwneud cais.
Cwblhewch eich cais ar-lein - rhowch gipolwg ar ein canllawiau neu cysylltwch â’n tîm derbyn os ydych chi angen help.
Y cam nesaf yw cyfweliad - Dyma’ch cyfle i ddweud wrthym amdanoch chi, a’n cyfle ni i’ch rhoi chi ar y llwybr iawn.
Byddwch yn cael cynnig lle drwy e-bost - Derbyniwch e ac mae eich siwrnai yn cychwyn.
Y cam olaf yw cofrestru - Mae hyn yn digwydd ar ddiwrnod canlyniadau, dewch â’ch graddau i mewn a byddwn ni’n eich arwain drwy’r broses gofrestru.

Dewch o hyd i gwrs ar-lein a chliciwch ar y botwm gwneud cais.

Cewch eich cymryd i sgrin fewngofnodi.

Os dyma yw eich tro cyntaf yn gwneud cais, bydd angen i chi greu cyfrif. Defnyddiwch gyfeiriad e-bost personol, ac nid cyfeiriad e-bost ysgol. Pan fyddwch yn creu eich cyfrif, byddwch yn creu eich cwestiwn atgoffa cyfrinair eich hun, ac ateb, rhag ofn y byddwch yn anghofio eich cyfrinair yn y dyfodol.

Os oes gennych chi gyfrif Prospect yn barod, neu os ydych yn fyfyriwr ar hyn o bryd, gallwch chi ddefnyddio’r manylion hynny i fewngofnodi.

Cam 1

Cam 1 y cais yw ble rydych chi’n llanw eich manylion personol. Pan ydych chi wedi gorffen, cliciwch parhau.

Rhaid cwblhau unrhyw flwch sydd â seren (*) neu ni fyddwch yn gallu symud ymlaen.

Nawr fe welwch chi dudalen Diogelu Data. Gwiriwch y blychau a chliciwch y botwm cyflwyno.

Rydych chi nawr wedi cwblhau Cam 1 y cais. Byddwn ni’n gwirio eich manylion ac yna’n anfon e-bost atoch fydd yn gofyn i chi gwblhau Cam 2 y cais.

Gwiriwch eich ffolder sbam/sothach i weld a yw ein e-bost wedi glanio yno. Gallwch chi ychwanegu admissions@colegsirgar.ac.uk i’ch cysylltiadau i stopio hyn rhag digwydd.

Cam 2

Yng ngham 2 eich cais, byddwch chi’n llanw gweddill eich gwybodaeth i mewn. Dylai gymryd tua 10 munud, ond gallwch chi gadw eich cynnydd os oes angen i chi.

Adrannau y bydd angen i chi eu llanw:

Cyfle Cyfartal

Cymorth a Chefnogaeth

Eich cymwysterau - gall hyn fod yn raddau disgwyliedig, neu beth rydych chi’n credu y gallech chi ennill

Diogelu Data

Rydych chi nawr wedi gorffen Cam 2. Os oes slotiau cyfweliad ar gael i’w bwcio, bydd yr opsiwn hwn ar gael nawr. Os na welwch chi opsiwn i wneud bwciad i gael cyfweliad peidiwch â phoeni - byddwch yn derbyn e-bost arall yn eich gwahodd i wneud bwciad nes ymlaen.
Defnyddiwch gyfeiriad e-bost personol, ac nid cyfeiriad e-bost ysgol. Pan fyddwch yn creu eich cyfrif, byddwch yn creu eich cwestiwn atgoffa cyfrinair eich hun, ac ateb, rhag ofn y byddwch yn anghofio eich cyfrinair yn y dyfodol.

Os oes gennych chi gyfrif Prospect eisoes, ond ni roddwyd mewngofnodiad coleg i chi eto, yna gallwch chi ddefnyddio mewngofnodiad eich cyfrif Prospect (eich e-bost personol fel arfer) a’ch cyfrinair i fewngofnodi.

Os ydych chi’n fyfyriwr yn y coleg ar hyn o bryd, a rhoddwyd manylion eich cyfrif coleg i chi, ac mae gennych gyfrif Google coleg actif, byddwch yn gallu mewngofnodi i Prospect (system ymgeisio’r coleg), gan ddefnyddio eich e-bost coleg, a chyfrinair eich e-bost coleg, gan ddefnyddio’r ddolen “Cliciwch yma i fewngofnodi gyda’ch cyfrif Google coleg” ar dudalen fewngofnodi Prospect.
Beth yw fy Enw Mewngofnodi Prospect?

Dangosir eich mewngofnodiad Prospect ar yr holl gyfathrebiadau a gewch gan y coleg. Fel arfer, hwn fydd y cyfeiriad e-bost personol rydych wedi ei gofrestru gyda ni. Os ydych yn ansicr o hyd, yna gallwch gysylltu â ni yma - admissions@colegsirgar.ac.uk

Sut ydw i’n ailosod fy nghyfrinair Prospect?

Gallwch ailosod eich cyfrinair Prospect yma - https://apply.colegsirgar.ac.uk/ResetPassword.

Dylech roi eich cyfeiriad e-bost personol, ac yna clicio ar cyflwyno. Os deuir o hyd i’r e-bost personol rydych wedi’i roi, yna anfonir e-bost atoch gyda dolen i ailosod eich cyfrinair. Os nad ydych yn derbyn yr e-bost, yna cysylltwch â ni yma - admissions@colegsirgar.ac.uk.