Hysbysiad Preifatrwydd I Ddysgwyr
2022 - 2025

Mae cymryd rhan yn y rhaglen hon yn ddibynnol ar i chi ddarparu data personol. Coleg Sir Gâr neu Goleg Ceredigion (o hyn ymlaen, y Coleg) fydd y rheolydd data ar gyfer y wybodaeth bersonol y byddwch yn ei darparu. Bydd y Coleg yn defnyddio’r wybodaeth hon i weinyddu a rheoli eich rhaglen.

Mae’n bosibl bod y rhaglen ddysgu rydych ar fin cofrestru arni yn cael ei hariannu’n uniongyrchol gan Lywodraeth Cymru.

Bydd y Coleg yn defnyddio eich data ar gyfer gweinyddu eich rhaglen, hawlio cyllid gan Lywodraeth Cymru os yw’n briodol, casglu ffïoedd os yw’n briodol, cynhyrchu cyfrif rhwydwaith i roi mynediad i chi i wasanaethau TG megis Google a Microsoft, monitro eich cynnydd a’ch deilliannau (megis cyflawni cymwysterau), a chefnogi eich cyfnod pontio, eich dilyniant a’ch llwyddiant yn ystod eich cyfnod yn y coleg, a thu hwnt. Gall hefyd gael ei ddefnyddio mewn crynodebau ystadegol a chyhoeddiadau ymchwil, lle bydd yn ddienw ac ni chewch eich adnabod. Rhoddir manylion llawn am sut yr ydym yn defnyddio eich data isod.

Dan y Rheoliad Diogelu Data Cyffredinol (GDPR) mae gennych yr hawl i:

• weld y data personol y mae’r Coleg yn eu cadw amdanoch chi;
• ei gwneud yn ofynnol i’r Coleg gywiro unrhyw wallau yn y data hynny;
• gwrthwynebu unrhyw achos o brosesu’r data, am resymau’n ymwneud â’ch sefyllfa benodol chi (mewn rhai amgylchiadau);
• cyfyngu ar waith prosesu (mewn rhai amgylchiadau);
• gofyn i’ch data gael eu dileu (mewn amgylchiadau penodol);
• cyflwyno cwyn i swyddfa’r Comisiynydd Gwybodaeth (ICO) sef y rheoleiddiwr annibynnol ar gyfer diogelu data.

*Gellir cysylltu â chyrff dyfarnu am ganlyniadau a thystysgrifau cyn ac ar ôl y cyfnod cadw hwn.

I gael manylion am y wybodaeth y mae’r Coleg yn ei chadw a’i defnyddio, neu os ydych am arfer eich hawliau dan y GDPR, gweler y cyswllt isod:

Swyddog Diogelu Data

Coleg Sir Gâr/Coleg Ceredigion

Campws y Graig

Heol Sandy

Llanelli

SA15 4DN

dataprotectionofficer@colegsirgar.ac.uk

I gysylltu â Swyddfa’r Comisiynydd Gwybodaeth, gweler y manylion isod:

Wycliffe House

Water Lane

Wilmslow

Swydd Gaer

SK9 5AF

029 2067 8400 (llinell gymorth Cymru) neu 0303 123 1113 (llinell gymorth y DU)

Hafan / ICO

Os yw’r Coleg yn bwriadu defnyddio eich data mewn ffordd wahanol i’r hyn a nodwyd adeg ei gasglu, fe gewch eich hysbysu. Bydd holl brosesu’r Coleg yn cydymffurfio â’r ddeddfwriaeth diogelu data gyfredol. Bydd diweddariadau i’r hysbysiad preifatrwydd ar gael ar ein gwefan.

Bydd rhywfaint o’r data a gasglwyd yn ddata personol a/neu yn ddata categori arbennig fel y’i diffinnir yn y Rheoliad Diogelu Data Cyffredinol sy’n cynnwys:

Data Personol:

• Dynodydd unigryw’r dysgwr (a grëwyd gan Lywodraeth Cymru)
• Rhif adnabod y dysgwr (a grëwyd gan y Coleg)
• Cyfenw ac Enw(au) Cyntaf
• Cyfeiriad (Cartref ac yn Ystod y Tymor) a Chodau Post
• Gwlad Breswyl
• Rhif ffôn (Cartref a Symudol)
• Cyfeiriad e-bost
• Rhif Yswiriant Gwladol
• Rhywedd
• Cyfenw yn 16 oed
• Dyddiad geni
• Mewn Gofal / Ymadäwr Gofal 
• Cofnod troseddol 
• Hunaniaeth genedlaethol
• Siaradwr Cymraeg
• Cymhwyster Uchaf yn y Gymraeg 
• Dewis o ran gohebiaeth - Cymraeg / Saesneg
• Rhif cofrestru cerbyd
• Statws cyflogaeth
• Manylion cyflogwr
• Yr ysgol ddiwethaf yr aethoch iddi
• Y flwyddyn y gadawsoch yr ysgol
• Rhif dysgwr unigryw (a grëwyd gan y Gwasanaeth Cofnodion Dysgu)
• Manylion cyswllt Perthynas Agosaf

At hynny, ceir data amdanoch sy’n cael ei ddiffinio fel data categori arbennig. Nid oes rhaid i chi ddarparu’r data hwn a bydd yn cynnwys:

• Ethnigrwydd
• Math o anabledd
• Cyflwr iechyd

Caiff y data personol/categori arbennig hwn ei ddefnyddio ar draws pob dysgu Ôl 16 yn y Coleg.

Hefyd, ar gyfer dysgwyr Addysg Uwch yn unig:

• Crefydd
• Cyfeiriadedd Rhywiol
• Hunaniaeth o ran rhywedd - yr un fath ag a neilltuwyd ar enedigaeth
• Gwlad eich Geni
• Math o lety yn ystod y tymor
• Yn derbyn Lwfans i Fyfyrwyr Anabl
• Cymhwyster Uchaf ar fynediad

Mae’r Coleg yn casglu llawer iawn o wybodaeth bersonol amdanoch chi. Caiff data ei ddarparu i Lywodraeth Cymru, cyrff dyfarnu, asiantaethau ariannu, sefydliadau ymchwil, cyflenwyr meddalwedd, cyrff proffesiynol, ac ati, er mwyn rhedeg busnes y Coleg. Yn y rhan fwyaf o achosion, mae casglu’r data hwn yn orfodol - rhywbeth y mae’n rhaid i ni ei wneud. Isod rydym wedi amlinellu’r sefydliadau rydym yn rhannu eich data â nhw a’r prif resymau dros i ni wneud hyn. Gallwn eich sicrhau ein bod yn storio eich data yn ddiogel ac yn defnyddio eich data yn unig at y dibenion a amlinellir. Nid ydym yn ei drosglwyddo i unrhyw drydydd parti at ddibenion marchnata neu werthu.

Yn ogystal â’r sefydliadau a restrir yn y tabl uchod, gall y Coleg rannu eich data gyda sefydliadau allanol eraill lle bo angen i gyflwyno eich rhaglen astudio, cefnogi eich dysgu, cydymffurfio â gofynion cyfreithiol neu reoleiddiol, amddiffyn diogelwch y cyhoedd, neu ar gyfer buddiannau dilys eraill y Coleg. Gall hyn gynnwys, ond nid yw’n gyfyngedig i, sefydliadau addysgol eraill, consortia cyrff dyfarnu, archwilwyr, darparwyr gwasanaethau TG, a chynghorwyr cyfreithiol. Ym mhob achos, bydd rhannu data yn gyfyngedig i’r hyn sy’n angenrheidiol at y diben penodol, a bydd eich data yn cael ei drosglwyddo a’i brosesu’n ddiogel ac yn unol â deddfwriaeth diogelu data.

Mae’r coleg yn blaenoriaethu diogelwch eich data, gan weithredu polisïau a rheolaethau mewnol i atal colli, dinistrio damweiniol, camddefnyddio, neu ddatgeliad heb awdurdod. Mae mynediad wedi’i gyfyngu i weithwyr sy’n cyflawni eu dyletswyddau. Pan fydd trydydd partïon yn prosesu data personol ar ran y grŵp, maent yn dilyn cyfarwyddiadau ysgrifenedig, yn cadw at rwymedigaethau cyfrinachedd, ac yn gweithredu mesurau technegol a threfniadol priodol i ddiogelu’r data.