Sut i Wneud Cwyn

Rydyn ni eisiau i chi deimlo eich bod chi’n cael eich cefnogi a’ch clywed. Os oes rhywbeth o’i le, neu os ydych chi’n anfodlon ag unrhyw agwedd ar eich profiad yn y coleg, rydym yn eich annog i siarad. Dyma sut allwch chi wneud cwyn:

1. Siaradwch â Ni yn y Lle Cyntaf

Gellir datrys y rhan fwyaf o bryderon yn gyflym ac yn rhwydd. Os ydych chi’n anhapus ynglŷn ag unrhyw beth, dechreuwch drwy siarad â’r canlynol:

• Eich Tiwtor
• Aelod o’r Tîm Lles
• Unrhyw aelod o staff rydych chi’n teimlo’n gyfforddus i siarad â nhw

Byddwn yn gwrando, yn cymryd eich pryderon o ddifrif, ac yn gweithio gyda chi i ddod o hyd i ddatrysiad.

2. Os Oes Angen i Chi Wneud Cwyn Ffurfiol

Os ydych chi’n dal yn anhapus, neu os yw eich problem yn un ddifrifol, gallwch chi wneud cwyn ffurfiol. Dyma’r hyn sydd angen i chi ei wybod:

Pwy all wneud cwyn?

• Chi (fel myfyriwr)
• Eich rhiant neu warcheidwad (os ydych chi o dan 18 oed)
• Grŵp o fyfyrwyr (gyda 2 berson yn siarad ar ran y grŵp)

Am beth allwch chi wneud cwyn?

• Eich cwrs neu rywbeth sy’n gysylltiedig â’ch astudiaethau
• Rhywbeth y mae’r coleg wedi’i wneud (neu heb wneud)
• Gwasanaeth sy’n eich cefnogi
• Materion difrifol fel bwlio, gwahaniaethu, neu ymddygiad anniogel

Am beth na allwch chi wneud cwyn?

• Problemau gyda myfyrwyr eraill (yn hytrach, siaradwch â’r Cyfarwyddwr Gwasanaethau Dysgwyr)
• Marciau neu ganlyniadau arholiadau (siaradwch â’r Uned Ansawdd)
• Pethau sydd y tu hwnt i reolaeth y coleg (fel rheolau’r llywodraeth)

3. Sut i Anfon Eich Cwyn

Gallwch ddweud wrthym yn ysgrifenedig, dros y ffôn, neu wyneb yn wyneb:

• E-bost: complaints@colegsirgar.ac.uk
• Post: Y Tîm Cwynion, Swyddfa’r Pennaeth, Coleg Sir Gâr, Campws y Graig, Heol Sandy, Llanelli, SA15 4DN
• Rhif ffôn: 01554 748004 / 8006

Beth sy’n digwydd nesaf?

• Byddwn yn rhoi gwybod i chi ein bod wedi derbyn eich cwyn o fewn 5 diwrnod gwaith.
• Byddwn yn ymchwilio i’ch cwyn ac yn ceisio eich ateb o fewn 15 diwrnod gwaith.
• Fe gewch chi lythyr neu e-bost yn dweud wrthych chi beth rydyn ni wedi’i benderfynu a’r hyn y byddwn ni’n ei wneud yn ei gylch.

4. Dal Ddim yn Hapus?

Os nad ydych chi’n credu ein bod ni wedi datrys y broblem, gallwch ofyn i ni edrych arno eto. Mae angen i chi wneud hyn o fewn 10 diwrnod gwaith i gael ein hateb.

Rydych Chi’n Ein Helpu Ni i Wella

Mae pob cwyn yn ein helpu i wneud pethau’n well i chi a myfyrwyr eraill. Diolch am godi eich llais!