Cyfrifiadura a TG Lefel 1 - Pearson BTEC
- Campws Y Graig
Mae’r cwrs cyfrifiadura rhagarweiniol Pearson BTEC hwn wedi’i gynllunio o gwmpas sgiliau ymarferol a thasgau sy’n rhoi pwyslais ar ddysgwyr yn dangos yr hyn y gallant ei wneud yn hytrach na’r hyn y maent yn ei wybod mewn theori.
Mae’r cymwysterau yn rhoi cyfle i ddysgwyr ennill a datblygu sgiliau generig, trosglwyddadwy a sector-benodol er mwyn cwblhau tasgau a dangos lefel o gyflawniad sy’n eu galluogi i symud ymlaen i ddysgu pellach.
Bydd pob dysgwr sy’n dilyn y cymwysterau hyn yn astudio unedau craidd sy’n canolbwyntio ar sgiliau trosglwyddadwy allweddol megis ymchwilio a chynllunio, rheoli amser a gweithio gydag eraill. Mae’r unedau TG yn cynnwys gweithgareddau megis datrys problemau TG technegol, creu gwefan a datblygu cynnyrch digidol.
Caiff y cwrs hwn ei gymryd dros flwyddyn, gan roi’r cyfle i chi ddatblygu ystod o sgiliau sector TG a chefnogi dilyniant i astudio pellach.
Gellir ei astudio fel cymhwyster galwedigaethol sylweddol ochr yn ochr â rhaglen astudio sy’n cynnwys pynciau priodol eraill fel Saesneg a mathemateg.
Manylion y cwrs
- Llawn amser
- Wyneb i Wyneb
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Ymdrin â Sgiliau Trosglwyddadwy
Cyfathrebu - ysgrifennu, siarad a gwrando ar eraill, defnyddio iaith y corff i helpu cyfathrebu, defnyddio cyfathrebu at wahanol ddibenion, cyfathrebu mewn amrywiaeth o ffyrdd, gan gynnwys cyfryngau electronig a chymdeithasol.
Gweithio gydag eraill - gosod cyrchnodau cyffredin, dangos parch at eraill mewn tîm a gwerthfawrogi eu cyfraniadau, gwrando ar eraill yn y tîm a bod â meddwl agored. Cymryd rolau a chyfrifoldebau.
Datrys Problemau - nodi materion trwy allu archwilio gwybodaeth, delio â newid, gwneud penderfyniadau i ddod o hyd i ddatrysiadau, aros gyda phroblem hyd nes y caiff ei datrys, a defnyddio TG i helpu datrys problemau.
Ymdrin â Sgiliau’r Sector
Mae’r unedau sector yn cyflwyno dysgwyr i rai sgiliau eang yn y sector ac i rywfaint o wybodaeth greiddiol am sector galwedigaethol. Bydd hyn yn helpu dysgwyr i baratoi ar gyfer dilyniant ac yn sicrhau bod yr ymagwedd at gyflwyno yn ymarferol, yn weithredol, yn gyd-destunol ac yn seiliedig ar sgiliau.
Ymdrin â Sgiliau Gweithredol
Mae’r unedau yn y fanyleb hon yn dangos cyfleoedd i ddysgwyr ddatblygu sgiliau gweithredol mewn Saesneg a mathemateg.
Mae’r cwrs yn cynnwys pedair uned graidd a chwe uned sector, fel a ganlyn:-
Unedau Craidd
- A1 - Bod yn Drefnus: Dysgu i reoli eich amser, blaenoriaethu tasgau, a datblygu strategaethau i barhau’n effeithlon a chynhyrchiol.
- A2 - Datblygu Cynllun Dilyniant Personol: Creu map ffordd clir ar gyfer eich dyfodol, gan osod cyrchnodau a nodi camau i’w cyflawni.
- A3 - Gweithio gydag Eraill: Datblygu sgiliau gwaith tîm a chydweithio er mwyn gweithio’n effeithiol mewn sefyllfa grŵp
- A4 - Ymchwilio Pwnc: Meithrin y gallu i gasglu, dadansoddi, a chyflwyno gwybodaeth ar bwnc dewisol.
Unedau Sector
- IT5 - Datblygu Gwybodaeth Ddigidol gan Ddefnyddio TG Defnyddio offer digidol i greu, golygu, a chyflwyno gwybodaeth yn effeithiol.
- IT6 - Defnyddio Technolegau Cyfathrebu Digidol Archwilio offer a phlatfformau ar gyfer cyfathrebu digidol clir a phroffesiynol.
- 1T7 - Datrys Problemau TG Technegol Diagnosio a datrys problemau TG cyffredin gan ddefnyddio technegau datrys problemau ymarferol.
- IT8 - Creu Taenlen i Ddatrys Problemau Dylunio taenlenni i drefnu data, gwneud cyfrifiadau, a datrys problemau byd go iawn.
- IT9 - Creu Gwefan Adeiladu gwefan sy’n swyddogaethol ac yn ddeniadol yn weledol gan ddefnyddio offer safon diwydiant
- IT10 - Creu Rhaglen Gyfrifiadurol: Ysgrifennu a phrofi rhaglenni syml i awtomeiddio tasgau a datrys heriau penodol.
- IT11 - Datblygu Cynnyrch Digidol: Cynllunio, dylunio a chreu cynnyrch digidol o’r cam creu i gwblhau.
- IT12 - Creu Graffigyn Digidol wedi’i Animeiddio: Defnyddio meddalwedd i ddylunio a chynhyrchu graffigau wedi’u hanimeiddio at ddibenion amrywiol.
Bydd y cymhwyster hwn yn eich paratoi ar gyfer dysgu pellach ar lefel uwch. Gallech chi fynd ymlaen i astudio Cymhwyster BTEC Lefel 2 Pearson mewn TG, neu i gymhwyster Lefel 2 mewn sectorau eraill.
Asesir pob uned drwy aseiniadau ysgrifenedig. Does DIM arholiadau ar y cwrs Lefel 1 hwn.
Mae’r cymhwyster hwn ar gael i’w asesu drwy gyfrwng y Saesneg yn unig.
O leiaf 2 TGAU gradd E neu uwch
Mae’n ofynnol i bob dysgwr dalu ffi gweinyddu o £25 cyn cofrestru.
Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw’r adran yn trefnu ymweliadau addysgol.