Yn 2019, cyhoeddodd Cyngor Sir Gâr Argyfwng Hinsawdd a Natur, gan alw am weithredu brys, ar y cyd i fynd i’r afael â’r heriau amgylcheddol sy’n ein hwynebu. Gyda thargedau Sero Net uchelgeisiol wedi’u gosod ar gyfer 2030, mae’n hanfodol bod gan unigolion, cymunedau a busnesau’r sgiliau a’r wybodaeth sydd eu hangen er mwyn gwneud gwahaniaeth.

Menter Gwyrdd 24 yw ein hymateb ni i’r alwad honno — prosiect unigryw, sy’n cael ei yrru’n lleol ac sy’n cynnig hyfforddiant am ddim sy’n canolbwyntio ar gynaladwyedd, wedi’i ariannu gan Gronfa Ffyniant Gyffredin Llywodraeth y DU fel rhan o’r Gronfa Bontio ar gyfer Sir Gaerfyrddin.

P’un a ydych chi’n unigolyn sydd â diddordeb i feithrin eich gwybodaeth gwyrdd, yn gyflogwr sy’n awyddus i uwchsgilio’ch tîm, neu’n rhywun sy’n chwilio am gyfeiriad newydd sy’n cyd-fynd â nodau ar gyfer yr hinsawdd, mae Gwyrdd 24 yn addas ar eich cyfer chi.

Ar gyfer pwy mae hwn?

Mae’r hyfforddiant hwn ar gyfer unrhyw un sydd eisiau cymryd y cam cyntaf ym maes cynaladwyedd—boed hynny er budd personol, y gweithle, datblygiad gyrfa, neu er mwyn gwneud gwahaniaeth yn eu cymuned.