Gosod Brics

Bydd pob dysgwr yn cwblhau chwe uned orfodol sy’n cwmpasu’r canlynol yn gyfannol:

• Cyflwyniad i’r sectorau adeiladu a’r amgylchedd adeiledig
• Cyflogaeth a sgiliau cyflogadwyedd
• Iechyd a diogelwch

Yn ychwanegol at yr unedau hyn, bydd dysgwyr yn cwblhau dwy uned grefft i dreulio amser ychwanegol yn dysgu, a fydd yn cynnwys cynllunio, cyflawni a gwerthuso tasgau cyffredin. Mae’r cymhwyster yn rhoi dealltwriaeth eang, drawsbynciol o’r sector i ddysgwyr, gan eu galluogi i wneud penderfyniadau gwybodus ynglŷn â’u datblygiad eu hunain.  

Gweler yr opsiynau crefftau/peirianneg gwasanaethau adeiladu sydd ar gael. 

Mae’r cymhwyster Sylfaen mewn Adeiladu a Pheirianneg Gwasanaethau Adeiladu (Lefel 2) yn galluogi dysgwyr i ddechrau datblygu eu:

• Dealltwriaeth o’r adeiladau a’r adeileddau sy’n ffurfio’r amgylchedd adeiledig a sut maen nhw’n newid, ac wedi newid, dros amser.
• Dealltwriaeth o’r crefftau, y rolau a gyrfaoedd yn y sector adeiladu a’r amgylchedd adeiledig.
• Dealltwriaeth o gylchred oes adeiladau ac adeileddau yn yr amgylchedd adeiledig a’r egwyddorion a’r prosesau cysylltiedig ar bob cam.
• Dealltwriaeth o gynaladwyedd cymdeithasol, economaidd ac amgylcheddol fel sy’n briodol i adeiladu a’r amgylchedd adeiledig.
• Gwybodaeth am dechnolegau sy’n dod i’r amlwg yn y sector adeiladu a’r amgylchedd adeiledig.
• Sgiliau cyflogadwyedd a’u dealltwriaeth o sut mae’r rhain yn berthnasol ac yn bwysig yn y gweithle yn y sector adeiladu a’r amgylchedd adeiledig.
• Gwybodaeth am egwyddorion gweithio mewn ffyrdd sy’n amddiffyn iechyd, diogelwch, lles a’r amgylchedd a’r gallu i’w cymhwyso.
• Gwybodaeth, sgiliau a dealltwriaeth sydd eu hangen wrth gynllunio, cyflawni a gwerthuso tasgau ymarferol cyffredin mewn o leiaf dwy grefft o fewn y sector adeiladu a’r amgylchedd adeiledig.

I gyflawni’r cymhwyster hwn, rhaid i ddysgwyr gwblhau:

• Un prawf aml-ddewis ar sgrin, wedi’i osod a’i farcio’n allanol
• Un prosiect ymarferol wedi’i osod yn allanol, wedi’i farcio’n fewnol yn cwmpasu dau faes crefft
• Un drafodaeth dan arweiniad, wedi’i gosod yn allanol, wedi’i marcio’n fewnol

• TGAU graddau A* i D mewn mathemateg a Saesneg neu Gymraeg iaith neu
• Lefel 1 / 2 CBAC mewn adeiladu’r amgylchedd adeiledig neu
• gymhwyster lefel un sy’n gysylltiedig ag adeiladu 
• Mae croeso i ddysgwyr hŷn wneud cais ac mae’n amodol ar gyfweliad

Yn ogystal, bydd angen i ymgeiswyr fynychu cyfweliad llwyddiannus. Dylai ymgeiswyr fod â diddordeb hefyd yn y grefft ddewisol a byddai tystiolaeth o allu ymarferol yn fantais.

Bydd angen i fyfyrwyr ddod o hyd i, a phrynu, eu cyfarpar diogelu personol (PPE) eu hunain sy’n cynnwys bŵts diogelwch, sbectol diogelwch, het galed a dillad llachar.

Yn ogystal mae angen i fyfyrwyr brynu eu deunydd ysgrifennu eu hunain a hefyd gallwch fynd i gostau ychwanegol os yw’r adran yn trefnu ymweliadau addysgol.

Mae’n ofynnol i bob dysgwr dalu ffi gweinyddu o £25 cyn cofrestru.

Nod y cymhwyster yw datblygu eich sgiliau ymhellach cyn eich bod yn cychwyn prentisiaeth.

Cewch eich addysgu mewn gweithdy hyfforddi pwrpasol sy’n efelychu amgylcheddau adeiladu byd go iawn ac sy’n caniatáu ar gyfer digon o ddysgu ymarferol.

Caiff y cwrs ei gyflwyno gan staff tra chymwys a phrofiadol gan ddefnyddio cyfleusterau modern.  

Yn ogystal â’ch unedau ‘crefft’, byddwch chi hefyd yn cwblhau tair uned ‘graidd’ sy’n cwmpasu:

• Cyflogaeth
• Sgiliau Cyflogadwyedd
• Arferion adeiladu cyffredinol.

Fel rhan o’r rhaglen bydd dysgwyr hefyd yn cwblhau datblygiad sgiliau llythrennedd a rhifedd hanfodol neu sylfaenol. Darperir cyfleoedd yn ogystal i sefyll TGAU mewn Cymraeg, Saesneg a mathemateg ac i ddatblygu’r iaith Gymraeg.

I gyflawni’r cymhwyster hwn, rhaid i ddysgwyr gwblhau:

• un prawf aml-ddewis, wedi’i osod a’i farcio’n allanol.
• un prosiect ymarferol wedi’i osod yn allanol, wedi’i farcio’n fewnol yn cwmpasu maes eu crefft ddewisol
• un drafodaeth, wedi’i gosod yn allanol, wedi’i marcio’n fewnol

Mae’n addas ar gyfer dysgwyr sydd wedi cyflawni’r cymhwyster Sylfaen mewn Adeiladu a Pheirianneg Gwasanaethau Adeiladu ond sydd heb gyflogwr hyd yma er mwyn mynd ymlaen i brentisiaeth.

Bydd gofyn i fyfyrwyr ddod o hyd i, a phrynu, eu Cyfarpar Diogelu Personol (PPE) eu hunain sy’n cynnwys bŵts diogelwch, sbectol diogelwch, het galed a dillad llachar.

Mae’n ofynnol i bob dysgwr dalu ffi gweinyddu o £25 cyn cofrestru.

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw’r adran yn trefnu ymweliadau addysgol.