BSc (Anrh) Rheolaeth a Thechnoleg Adeiladu
- Campws Rhydaman
P’un a ydych chi eisoes yn gweithio yn y diwydiant adeiladu neu’n gobeithio cymryd y cam nesaf i rôl broffesiynol, mae’r cwrs BSc (Anrh) mewn Rheolaeth a Thechnoleg Adeiladu yn cynnig llwybr hyblyg, rhan-amser i ennill cymhwyster cydnabyddedig.
Yn cael ei chyflwyno dros ddwy flynedd a’i dilysu gan Brifysgol Cymru Y Drindod Dewi Sant, mae’r radd hon wedi’i chynllunio i roi’r wybodaeth dechnegol, y sgiliau arweinyddiaeth a’r meddwl strategol sydd eu hangen arnoch i ffynnu a symud ymlaen yn y diwydiant adeiladu sydd ohoni sy’n symud yn gyflym ac yn datblygu.
Byddwch yn archwilio meysydd allweddol fel adeiladu cynaliadwy, cyfraith contractau a rheoli prosiectau.
Wedi’i gynllunio’n benodol gyda gweithwyr proffesiynol mewn golwg, mae’r cwrs yn adeiladu ar eich profiad presennol ac yn eich paratoi ar gyfer rolau uwch, statws siartredig, neu astudiaeth academaidd bellach ym maes rheoli adeiladu.
Manylion y cwrs
- Rhan amser
Dilysir gan Brifysgol Cymru: Y Drindod Dewi Sant (PCYDDS)
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Prif nod y cwrs yw eich paratoi i ddiwallu anghenion newidiol y diwydiant amgylchedd adeiledig. Mae’r cwrs wedi’i gynllunio i addysgu arferion gorau cyfredol gan roi’r wybodaeth a’r sgiliau i chi allu ymdopi â datblygiadau a heriau’r dyfodol.
Mae’r rhaglen fodiwlaidd yn cynnwys pum modiwl (cyfanswm o 120 o gredydau Lefel 6).
Modiwlau ym Mlwyddyn 1
- Technoleg Adeiladu ar gyfer Adeiladau Cynaliadwy
- Astudiaethau Rheolaeth Adeiladu
- Contractau Adeiladu a Chyfraith Amgylcheddol
Modiwlau ym Mlwyddyn 2
- Prosiect Grŵp Integredig
- Prosiect Annibynnol (Traethawd Hir - 8,000 o eiriau)
Mae’r cwrs hwn yn darparu cyfle i’r rheiny sy’n dymuno symud ymlaen, neu ddechrau, mewn ystod o yrfaoedd sy’n gysylltiedig ag adeiladu megis technoleg bensaernïol, rheolaeth prosiectau, rheoli adeiladu, tirfesur, rheolaeth safle, cynnal a chadw a gwasanaethau.
Bydd asesiad Blwyddyn 1 trwy dri aseiniad modiwl, dau arholiad ac un cyflwyniad.
Bydd asesiad Blwyddyn 2 trwy aseiniad prosiect grŵp integredig a thraethawd hir 8,000 o eiriau.
Gradd sylfaen, neu gymhwyster HND cysylltiedig yn amodol ar reoliadau PCYDDS.
Mae’r brifysgol yn croesawu ceisiadau ar sail dysgu blaenorol. Gellir cael manylion pellach gan diwtor y cwrs.
Gweler ein polisi ffioedd am y costau cyfredol ar gyfer cyrsiau AU.
Mae’n ofynnol i bob dysgwr dalu ffi gweinyddu o £25 cyn cofrestru.
Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw’r adran yn trefnu ymweliadau addysgol.