Cais Cynllunio ar gyfer ‘Campws Caerfyrddin’ Wedi’i Gyflwyno

Mae Coleg Sir Gâr yn falch o gyhoeddi bod y cais cynllunio ar gyfer ein campws addysg bellach newydd yng Nghaerfyrddin, ‘Campws Caerfyrddin’, bellach wedi’i gyflwyno’n ffurfiol i Gyngor Sir Caerfyrddin.

Mae hyn yn nodi carreg filltir bwysig yng ngweledigaeth y Coleg i greu campws modern, cynaliadwy, sy’n canolbwyntio ar y dyfodol a fydd yn fuddiol i ddysgwyr, staff, cyflogwyr, a’r gymuned ehangach am genedlaethau i ddod.

Bydd ‘Campws Caerfyrddin’ yn dwyn ynghyd gyfleusterau o’r radd flaenaf a gynlluniwyd i gefnogi addysgu o ansawdd uchel, arloesedd, dysgu digidol, a rhagoriaeth alwedigaethol. Bydd y datblygiad yn cryfhau ystâd y Coleg, yn moderneiddio ein hamgylcheddau dysgu, ac yn sicrhau bod gan ddysgwyr fynediad at yr offer, y gofodau, a’r cyfleoedd sydd angen arnynt i lwyddo mewn economi datblygol.

Mae prif nodweddion y campws arfaethedig yn cynnwys:

• Mannau dysgu modern, hyblyg a chyfleusterau galwedigaethol arbenigol
• Amgylchedd wedi’i gyfoethogi’n ddigidol gyda thechnoleg a chyfarpar wedi’u huwchraddio
• Egwyddorion cynllunio cynaliadwy sy’n cefnogi nodau amgylcheddol a nodau o ran lleihau carbon
• Hygyrchedd gwell a gofodau ar gyfer lles dysgwyr 
• Profiad campws bywiog sy’n cefnogi datblygu sgiliau a chydweithio

Mae ‘Campws Caerfyrddin’ yn cynrychioli buddsoddiad sylweddol yn nyfodol addysg yn Sir Gaerfyrddin. Bydd y campws newydd yn:

• Cryfhau datblygu sgiliau lleol a rhanbarthol
• Cefnogi twf economaidd a phartneriaethau cyflogwyr
• Gwella profiad dysgwyr a staff
• Darparu model hirdymor, cynaliadwy yn ariannol ar gyfer y Coleg
• Dathlu a hyrwyddo’r Gymraeg a diwylliant Cymreig

Mae’r prosiect yn cael ei ddatblygu mewn partneriaeth â Llywodraeth Cymru, WEPCo, a Phrifysgol Cymru Y Drindod Dewi Sant, gan adlewyrchu uchelgeisiau cyffredin ar gyfer addysg ôl-16 o’r radd flaenaf yn y rhanbarth.

Nawr bod y cais cynllunio wedi’i gyflwyno, bydd Cyngor Sir Caerfyrddin yn ei adolygu fel rhan o’r broses gynllunio statudol.

Drwy gydol y camau cynllunio a datblygu, mae’r Coleg wedi ymrwymo i’r canlynol:

• Rhannu diweddariadau rheolaidd a cherrig milltir allweddol 
• Darparu gwybodaeth dryloyw a hygyrch i randdeiliaid 
• Ymgysylltu â dysgwyr, staff, cyflogwyr, a’r gymuned
• Sicrhau bod cynllunio pontio yn cael ei reoli’n ofalus ac yn gydweithredol

Caiff diweddariadau pellach eu cyhoeddi ar wefan y Coleg, sianeli cyfryngau cymdeithasol, a thrwy gyfathrebu uniongyrchol â grwpiau rhanddeiliaid perthnasol.

Os oes gennych unrhyw gwestiynau, cysylltwch â: campwscaerfyrddin@colegsirgar.ac.uk