Taith o ddysgu a dechreuadau newydd

Ymunodd Asia â Dysgu Digidol Uniongyrchol yn Llyfrgell Penlan ym mis Mehefin y llynedd, ychydig ar ôl symud i Abertawe fel ffoadur o’r rhyfel yn Syria. 

Er ei bod hi’n dawel i ddechrau, roedd gan Asia lefel dda o Saesneg ac, ar ôl ystyried ei hopsiynau, dewisodd ddilyn cwrs lefel uwch.

Ers hynny, mae Asia wedi profi ei bod hi’n fyfyrwraig eithriadol, gan ddangos ymrwymiad dwfn ac ethos gwaith cryf.  Ochr yn ochr â’i chynnydd academaidd, mae ei hyder personol wedi ffynnu; mae hi wedi gwneud ffrindiau newydd a hyd yn oed wedi cynnwys ei theulu mewn gweithgareddau llyfrgell yn ystod gwyliau’r ysgol.

Mae Asia yn teimlo bod y rhaglen wedi rhoi hwb i’w sgiliau cymdeithasol a’i hunanhyder, tra hefyd yn ei galluogi i gefnogi ei phlant yn well gyda’u gwaith ysgol.  Gan edrych i’r dyfodol, mae hi’n gobeithio parhau â’i hastudiaethau yn y coleg i ennill cymhwyster gofal plant, ochr yn ochr â Sgiliau Hanfodol Cymru (SHC) neu TGAU.