Dyfarniad Lefel 3 mewn Asesu
- Campws Y Graig
Oes diddordeb gennych mewn asesu mewn ystafell ddosbarth neu mewn amgylchedd hyfforddi proffesiynol?
Mae’r Dyfarniad Lefel 3 mewn Asesu Cymhwysedd yn yr Amgylchedd Gwaith yn gymhwyster a gydnabyddir yn genedlaethol sydd wedi’i gynllunio ar gyfer unigolion sydd naill ai’n dechrau gweithio neu’n gweithio ar hyn o bryd fel aseswyr mewn lleoliadau addysg alwedigaethol, hyfforddiant neu weithleoedd.
Mae’r rhaglen hon yn darparu’r wybodaeth a’r sgiliau i ddysgwyr ar gyfer asesu’n effeithiol cymhwysedd galwedigaethol dysgwyr yn y gweithle a/neu gyflawniad cysylltiedig â galwedigaeth mewn amgylcheddau hyfforddi. Mae’n addas ar gyfer y rheiny sy’n asesu sgiliau ymarferol a gwybodaeth ddamcaniaethol hefyd.
Manylion y cwrs
- Rhan amser
- Saesneg
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Mae ein Rhaglen Lefel 3 yn cynnwys dwy uned orfodol fydd yn cwmpasu:
- Uned 301 Deall Egwyddorion ac Arferion Asesu
- Uned 302 Asesu Cymhwysedd Galwedigaethol yn yr Amgylchedd Gwaith
neu
- Uned 3: Asesu Sgiliau Galwedigaethol, Gwybodaeth a Dealltwriaeth
Caiff y cymhwyster ei gyflwyno gan ddefnyddio Google Meet, Google Classroom a MyDrive ynghyd â chymysgedd o gyflwyniadau grŵp ar-lein a sesiynau cefnogi un i un.
Erbyn diwedd y rhaglen, bydd dysgwyr yn gallu:
- Deall egwyddorion ac arferion asesu, cynllunio a pharatoi asesiadau o gymhwysedd galwedigaethol a/neu gyflawniadau galwedigaethol.
- Asesu perfformiad a gwybodaeth dysgwyr gan ddefnyddio ystod o ddulliau asesu a darparu adborth adeiladol a chefnogi dilyniant dysgwyr.
- Cadw cofnodion cywir yn unol â gofynion sefydliadol a’r corff dyfarnu a defnyddio egwyddorion sicrhau ansawdd i sicrhau cysondeb a dibynadwyedd penderfyniadau asesu.
- Cyfrannu at welliant parhaus arferion asesu a sicrhau ansawdd
Bydd cwblhau’r cymhwyster hwn yn llwyddiannus yn gallu arwain at:
- Gyflogaeth fel aseswr cymwysedig mewn lleoliad gweithle neu leoliad hyfforddi .
- Dilyniant i gymwysterau lefel-uwch megis y Dystysgrif Lefel 4 mewn Arwain Sicrhau Ansawdd Mewnol Prosesau ac Arferion Asesu (IQA).
- Datblygiad gyrfaol dyrchafedig mewn rolau addysg, hyfforddi, ac asesu galwedigaethol.
Y dull asesu ar gyfer y cymhwyster yw drwy amrywiaeth o wahanol asesiadau gan gynnwys aseiniadau ysgrifenedig, arsylwi arfer asesu, trafodaethau proffesiynol ac adroddiadau adfyfyriol a phortffolio o dystiolaeth yn dangos cynhwysedd aseswr.
Does dim gofynion mynediad ffurfiol i ymgeiswyr sy’n ymgymryd â’r cymhwyster hwn, fodd bynnag bydd y ganolfan, yn dilyn cyfweliad yn asesu bod y sgiliau, potensial a’r cyfle ar gael i’r ymgeisydd. Bydd hyn yn cynnwys lleoliad ar gyfer asesiadau ymarferol i’w cymryd, a drefnir gan y dysgwr.
£352 (gall hyn newid)
Gall dysgwyr dalu yn Swyddfa’r Campws fodd bynnag ni chaniateir taliadau bob yn gam gan nad yw’r ffioedd yn fwy na £400.