Astudio’r Diwydiannau Creadigol a Thechnoleg Cerdd yng Ngholeg Sir Gâr a Choleg Ceredigion.

Os ydych chi’n frwd dros greu cynnwys sy’n mynegi eich gweledigaeth artistig ac yn cysylltu â chynulleidfaoedd, ein cyrsiau Cyfryngau Creadigol a Thechnoleg Cerdd yng Ngholeg Sir Gâr a Choleg Ceredigion yw’r cam nesaf perffaith i chi.  Mae ein cyrsiau wedi’u cynllunio i roi sgiliau creadigol, ymarferol ac academaidd lefel uchel i chi gan ddefnyddio meddalwedd a chyfarpar safon y diwydiant.  Cewch gyfle i archwilio cyfryngau digidol, ffilm, fideo, animeiddio, a chynhyrchu cerddoriaeth mewn amgylchedd ymarferol. 

Yn ein cyrsiau Cyfryngau Creadigol, byddwch yn treiddio’n ddwfn i wneud ffilmiau, animeiddio, graffeg, ffotograffiaeth, a mwy, gyda mynediad i gamerâu proffesiynol, ystafelloedd golygu gydag Apple Macs, a’r meddalwedd Adobe Creative Suite diweddaraf. Byddwch yn dysgu gan ddarlithwyr profiadol ac yn ennill profiad byd go iawn trwy friffiau cleientiaid proffesiynol a phrosiectau cydweithredol.

Mae ein cyrsiau Technoleg Cerdd yn cynnig cyfle i edrych yn fanwl ar gynhyrchu a pherfformio cerddoriaeth, gan ganolbwyntio ar beirianneg sain fyw, recordio, a rolau technegwyr.  Gydag arweiniad gan ddarlithwyr â phrofiad yn y diwydiant, byddwch yn datblygu’r sgiliau sydd eu hangen ar gyfer amrywiaeth eang o yrfaoedd yn y diwydiant cerddoriaeth.

Ymunwch â ni ar ddiwrnod agored i gael taith o gwmpas ein cyfleusterau, llenwch ffurflen gais a dechreuwch eich taith greadigol heddiw.